swayam varam

మరల తెలుపనా ప్రియా మరల తెలుపనా //2//
ఎద లోయల దాచుకున్న మధురోహల పరిమళాన్ని //2//
కనుపాపల నింపుకున్న చిరునవ్వుల పరిచయాన్ని ///మ//

విరబూసిన వెన్నెలలో తెర తీసిన బిడియాలని //2//
అణువణువు అల్లుకున్న అంతులేని విరహలని //2//
నిదురపోని కన్నులలో పవళించు ఆశలని
చెప్పలేక చేతకాక మనసు పడే తడబాటుని //మ//

నిన్న లేని భావమేదో కనులు తెరచి కలియచూసి //2//
మాట రాని మౌనమేదో పెదవి మీద ఒదిగిపోయి //2//
ఒక క్షణమే ఆవేదన మరుక్షణమే ఆరాధన
తెలియరాక తెలుపలేక మనసు పడే మధుర బాధ //మ//