అతను: లలిత ప్రియ కమలం విరిసినది
అతను: లలిత ప్రియ కమలం విరిసినది
అతను: కన్నుల కొలనిది ఆ..
ఆమె: ఉదయ రవికిరణం మెరిసినది ఊహల జగతిని ఆ..
ఆమె: ఉదయ రవికిరణం మెరిసినది
అతను: అమృత కలశముగా ప్రతినిమిషం
అతను: అమృత కలశముగా ప్రతినిమిషం
అతను: కలిమికి దొరకని చెలిమిని కురిసిన అరుదగు వరమిది
| లలిత |
అతను: రేయి పవలు కలిపే సూత్రం సాంధ్య రాగం కాదా నీలో నాలో పొంగే ప్రణయం
ఆమె: నేల నింగి కలిపే బంధం ఇంద్ర చాపం కాదా మన స్నేహం ముడివేసే పరువం
అతను: కలల విరుల వనం మన హృదయం
అతను: కలల విరుల వనం మన హృదయం
అతను: వలచిన ఆమని కూరిమి నీరగ చేరిన తరుణం
ఆమె: కోటి తలపుల చివురులు తొడిగెను తేటి స్వరముల మధువులు చిలికెను
అతను: తీపి పలుకుల చిలుకల కిలకిల తీగ సొగసుల తొణికిన మిలమిల
ఆమె: పాడుతున్నది ఎదమురళి రాగ ఝరి తరగల మృదురవళి
అతను: తూగుతున్నది మరులవనీ లేత విరి కులుకుల నటనగని
ఆమె: వేల మధుమాసముల పూల ధరహాసముల మనసులు మురిసెను
| లలిత |
ఆమె: కోరే కోవెల ద్వారం నీవై చేరుకోగ కాదా నీకై మ్రోగే ప్రాణం ప్రణవం
అతను: తీసే శ్వాసే ధూపం చూసే చూపే దీపం కాదా మమకారం నీ పూజా కుసుమం
ఆమె: మనసు హిమగిరిగా మారినది మనసు హిమగిరిగా మారినది
ఆమె: కలసిన మమతల స్వరజతి పశుపతి పదగతి కాగా
అతను: మేని మలుపుల చెలువపు గమనము వీణపలికిన జిలిబిలి గమకము
ఆమె: కాలి మువ్వగ నిలిచెను కాలము పూల పవనము వేసెను తాళము
అతను: గేయమైనది తొలి ప్రాయం రాయమని మాయని మధుకావ్యం
ఆమె: స్వాగతించెను ప్రేమ పధం సాగినది ఇరువురి బ్రతుకురధం
అతను: కోరికల తారకల సీమలకు చేరుకొనె వడి వడి పరువిడి
ఆమె: ఉదయ రవికిరణం మెరిసినది ఊహల జగతిని ఆ..
No comments:
Post a Comment
Note: Only a member of this blog may post a comment.